Salom meni blogimga tashrif buyurgan aziz do'stlar.
Bahor uyg'onish davri. Bahorni kelinchakka qiyoslashadi.
Bahorda shoirlarimizning ilhomlari yanada jo'shib ajib she'rlar mutolaa qilishadi.
Bu blogga bahoriy she'rlar, bahor bayramlariga atalgan baytlar, hangomaviy, hazil she'rlar, inson hayratlantiradigan misralar o'rin oladi.

Bahor kelsa, yomon bo'larkan.
(Hazil)
Qiz bolaning uyqusi qochdi,
Derazani u asta ochdi.
Hayolini gullarga sochdi -
Bahor kelsa, yomon bo'larkan.

Yuragiga olovlar yoqdi,
Sochlariga piliklar taqdi.
Oynaga necha bor boqdi,
Bahor kelsa, yomon bo'larkan.

Guldan chambar qildi boshiga,
O'sma qo'ydi qalam qoshiga.
Sirin aytdi sinfdoshiga...
Bahor kelsa, yomon bo'larkan.

Keng osmonga sig'may qoldi oy,
O'zaniga sig'may qoldi soy,
Tuni bilan bezovtadir toy,
Bahor kelsa, yomon bo'larkan.

Shabnamda bosh yuvar chechaklar,
Kamzulini yechar kurtaklar,
Boshqacharoq urar yuraklar,
Bahor kelsa, yomon bo'larkan.